Joggumusig Nüderef

S`legenärschte Abschiedsschribe


Solch ein Abschieds Schreiben haben wir noch nie erlebt und wollen wir gerne mit euch teilen.

ABSCHIEDSCHREIBEN VOM KLEINSTEN RIESEN DER WELT AKA FINCH DER FICKER!!!

Liebi joggeler Liebi joggelerinne liebi böck liebi fötz liebi mitglieder liebi mitglieder mit und ohni glieder liebi homos (faues no het) Liebi persone ih aune grössene und formene!

Churze momänt mache gschwend es bier uf…

So da hocki auso, vor mim 15 jährige laptop, luege zum fäister us, gse eh buur am silobaue maschene flicke wöuer vorhär öbere eh schwere gfahre esch….näbebii  dänki dröber nah wasi ih sonere grandiose guggemusig daf schribe aus Abschied.

Natürlich chönntii demit ahfah wies ahgfange het, nur duetmer ja ned abbotze und de schisse.

Ech ha mau glehrt das weniger meh esch und das ech ou ned eh grosse redner be, de grund defür esch das ech ou ned grosse be, aber met öberzügig eh mettu grosse schwaaaaaaaaa…. egau.

Ech möcht mech bi jedem einzelene bedanke für die gstöörte und mängisch ou politisch gränzwärtige momänte wos ih dene jahre gähh het. Es het höhene und töifene gää, nur jedesmau um öich ume eschs wie ide ferie gse, huffe schnapps und bier.

Dank öich hanni diversi nöi gschlächtchrankheite döffe erläbe und witterverteile, sowie kater ih unvorstellbare dimesione wos vorher nonie gää het, bim bock usflug im brunne springe, eh nöie rekord im wittchotze, alkohol und droge  exsesse wommer nor in hollywoodföume gset, de ivo wommer ade shotbar sis bruchte zahnbörstli ih haus steckt(de grund für de nöi rekord im wittchotze) aues so sache wonni ohni öich ned hät chönne erläbe.

Au die sache werd ech eisch mine chind verzelle, aso vo dene wonni weiss dases mini sei…

Faus ih bar jahr es bar chliwöchsigi umelouffe und eh liechte äntlibuecher dialekt hei, sägit dene ned wo das mis hus steit. Für das wär ech öich sehr dankbar.

Uf jedefau chöönt ech vell ufzelle wonni um öich gäile zwöibeinigi mönsche ha döffe erläbe,

Jedoch esches für mech ah de zit dä verein ds verlah, uf bruefliche und örtliche sowie sexuelli wittererforschigs grönd wett ech da nömme witter druf ihgah.

Zwöi sache no zum Abschluss:

1, Danke TUUUSIG för aues, winner mech ufgnoo heit, für die liebi, eifach für aues.

2, Ech hoffe mer gsäi us gli gli weder und dönd üs gmeinsam gnüsslich eine henders bläch schweisse.

3, Danke Raphi, Wäge dier benni ih die Wunderbari Gugge cho und es hetmer spass gmacht

4, NEEEi ech fah ez ned ah jede namentlich ds erwähne und ebbis liebs ds säge, aber wenner das wend de schickiter mer eh nachricht und ech werde endi jahr secher gantwortet ha.

PS: ez trenki grad de letschti schluck vo mim bier und gah desem dusse go zeige wimmer silobaue macht.

Tüüüüdellüüüüüü

Der kleinste riese der joggumusig – danke för die geili zitt met der! mer wärde di vermisse

Weiter Beitrag

Zurück Beitrag

© 2024 Joggumusig Nüderef

Thema von Anders Norén