Am 2. Januar 2026 hemmer met em gmüetliche Pastaplausch s Fasnachtswochenänd iglüütet. Bi feinem Ässe, musikalischer Unterhaltig vo de Cantinas 🥳 , De Autogrammstond vom Severin Ottiger ⚽️ ond de Beste Pastasauce🍝 vom Restaurant Chommle 🫶🏻 hend sech Famelie, Frönde und Gönner troffe ond sech perfekt of d‘Fasnachtsziit iigstomme.🥰
Am 3. Januar 2026 esch denn die legendäri Joggelernacht öber d Böhni gange. Met vell Guggemusige🎺, Fasnachtsfröiid ond eifach grandioser Stemmig esch bis i die spot Nacht gfiiret worde🎉. Es esch gschunklet, tanzet und glachet worde – ganz so, wie mer sech e rechtigi Fasnachtsnacht vorstöut.😍
E grosse Dank gohd a alli Häuferinne und Häufer, wo met vöu Iisatz ond Härzbluet zom glatte Ablauf vo bedne Ahläss dezue biitreid hend. Ohni üüch wär das alles ned möglech gsi.🧡🫶🏻
E ganz bsondere Dank god a üsi Sponsore, wo üs grosszögig onterstötzt hend. Dank üchem wärtvolle Biitrag hemmer de Pastaplausch ond d Joggelernacht i dem Rahme chönne dörefüehre. Üche Support schätzed mer sehr – är esch för üs alles andere as sälbstverständlich.🧡😍 Haslimann Aufzüge AG, Ihre Gartenwelt AG, TABA Lisibach AG, Schürch Getränke AG , Elektro Schmid AG, Restaurant Chommle ond Amrein Schreinerei
Mer lueged met vöu Vorfreud of d Fasnacht ond fröied üüs, üch alli weder z‘gseh!🧡
