Mischa Kamber

Füf mou hämmer aus Joggumusig die 5. Johresziit döffe met der verbrenge. Jede vo üs het sech scho of die nöchschti Fasnacht gmeinsam met der gfröit. Doch so hets ned söue cho….
Du hesch dech of en langi Reis vorbereitet ond besch zo üsem Beduure nömme vo dim Abentür zrogg cho. Mer wärdid ned nor dech aus üse Kolleg, sondern au die schöne ond loschtige Momänt wommer met der händ döffe erläbe, för emmer in beschter Erennerig bhaute. Du hesch üs met dinere loschtige ond fröhliche Art emmer ergänzt. Jetzt werd dete för emmer e riise Löcke bliibe.

Mischa, mer händ gschpört, wie du i de Bromehötte awäsend gsi besch ond üs met Sonne, Wend ond Wolke onderschtötzt hesch. Dor das hämmer dech aui no einisch döffe wohrnäh ond der nome s Beschte met ofe Wäg gäh. Danke das du e Teil vo üs gsi besch. Mer vermessed dech.

Dini Joggeler

Comments are closed.